Մայիսի 17-ին «Մոսկվա» կինոթատրոնում կայացել է Կինեմատոգրաֆիստների միության Վարչության անդամ, կինոռեժիսոր Արամ Շահբազյանի նոր՝ «Մյուռոնի ճամփորդությունը» վավերագրական լիամետրաժ ֆիլմի պերմիերան:
Ինչու՞ է Ս. Էջմիածնում օրհնվող մյուռոնը բաժանվում աշխարհի տարբեր երկրներում, ովքե՞ր են սպասում դրան: «Մյուռոնի ճամփորդությունը» վավերագրական լիամետրաժ ֆիլմն արտադրել է «Շողակաթ» հեռուստաընկերությունը: Նկարահանումները սկսվել են 2015թ. Ս. Էջմիածնում մյուռոնօրհնության արարողությամբ և ավարտվել 2017-ին, Արցախում՝ Մարտակերտի սահմանագծի վերջին հենակետում: Այդ ընթացքում Մայր Աթոռից ուղարկվող մյուռոնի սրվակի հետ ֆիլմը եղել է Սիրիայում (Դամասկոս, Հոմս), Իսրայելում և Պաղեստինում, Արգենտինայում, Ռուսաստանի Դաշնությունում:
Միմյանցից խիստ տարբեր քաղաքական-մշակութային միջավայրերում ապրող ֆիլմի հերոսները մեկ ընդհանրություն ունեն: Ֆիլմը բացահայտում է այդ ընդհանրությունը:
