Հունիսի 26-ին հայտարարվել է, որ Օսկար մրցանակի եռակի դափնեկիր Մերիլ Սթրիփը TIFF Tribute Actor Award մրցանակին կարժանանա TIFF Tribute Gala Awards-ի գալա համերգին, որն առաջին անգամ տեղի կունենա Տորոնտոյի 44-րդ միջազգային կինոփառատոնի շրջանակներում (2019 թվականի սեպտեմբերի 5-15-ը): Գալա համերգը կդառնա ամենամյա դրամահավաքի ծրագրի գագաթնակետը՝ TIFF-ի տարեկան ծրագրերի աջակցության համար:
«Մերիլ Սթրիփը, անկասկած, մեր ժամանակների ամենատաղանդավոր եւ բազմակողմանի դերասանուհիներից մեկն է: Նրա հսկայական ներդրումը կինոյի եւ հեռուստատեսության ընդգրկում է քառասուն տարի: Իսկ Մերիլ Սթրիփի փայլուն խաղացած կերպարները չեն հնանում: Մենք հպարտ ենք և հուզված: Նշենք, որ նման նշանավոր դերասանուհու վաստակը մեծ պատիվ է մեզ համար:», — ասել է TIFF համաղեկավար Ջոան Վիսենտեն:
TIFF-ում կկայանա Սթիվեն Սոդերբերգի «Լվացքատունը» ֆիլմի հյուսիսամերիկյան պրեմիերան, որը նվիրված է Պանամական դոսյեի լրագրողական հետաքննությանը, որտեղ Մերիլ Սթրիփը խաղացել է գլխավոր դերերից մեկը:
