Բրիտանիայում կայացել է Բրիտանական հեռուստաակադեմիայի BAFTA մրցանակի հանձնման արարողությունը: Հեղինակավոր մրցանակը շնորհվել է հիմնական անվանակարգերում: Տեխնիկական կատեգորիաների համար (BAFTA TV Craft Awards) մրցանակները բաշխվել են ավելի վաղ:
Երեկվա BAFTA-ում «Չեռնոբիլը» / «Chernobyl» այս տպավորիչ ցուցակին ավելացրել է ևս երկու մրցանակ. նրան անվանել են լավագույն մինի-սերիալ, իսկ դերասան Ջարեդ Հարիսին, որը խաղացել է պրոֆեսոր Լեգասովին, անվանել են լավագույն դերասան: Սերիալը հավակնում էր հաղթանակի 18 անվանակարգերում, բայց արդյունքում ստացավ 9 մրցանակ:
BAFTA-ի լավագույն դրամատիկ սերիալ է ճանաչվել Netflix և Channel4 «The End of the F***ing World» նախագիծը: Նաոմի Աքին մրցանակ է ստացել որպես երկրորդական դերի լավագույն կատարող: Լավագույն դերասանուհի է ճանաչվել Գլենդա Ջեքսոնը «Elizabeth Is Missing» նախագծի համար: Լավագույն կատակերգական սերիալ է ճանաչվել E4 հեռուստաալիքի «Ստասն ամեն ինչ կհանձնի» / «Stath Lets Flats» սիթքոմը: Գլխավոր դերակատար Ջեյմի Դեմիտրիուն պարգև է ստացել որպես կատակերգական դերի լավագույն դերասան: Կատակերգական սերիալում լավագույն դերասանուհի է ճանաչվել Սիան Քլիֆորդը՝ «Fleabag» սերիալի համար:
