Ֆիլմարտադրողների Համահայկական Ֆեդերացիայի տաղավարն մայիսի 20-ին ավարտել է իր աշխատանքը Կաննի Marché du Film կինոշուկայում։ Տաղավարի գործունեության ընթացքում կազմակերպվել են հանդիպումներ և ստորագրվել են 10 համագործակցության պայմանագրեր, իսկ մի շարք նախագծերի շուրջ բանակցությունները շարունակվում են։
Հաստատված պայմանագրերը ներառում են համագործակցություն Հայաստանի, Ֆրանսիայի, Իտալիայի, Գերմանիայի, Հնդկաստանի, Թունիսի և Արգենտինայի գործընկեր կազմակերպությունների միջև։ Դրանց շրջանակում նախատեսվում են համատեղ արտադրություններ, տարածման պայմանագրեր և համագործակցային նախագծեր տարբեր հարթակների և ոլորտային ծառայությունների համար։
Տեղի են ունեցել մի շարք ֆիլմերի և նախագծերի պրեզենտացիաներ, այդ թվում՝ «Սիգմա» կարճամետրաժ ֆիլմի ցուցադրություն։ Տաղավարի 11 պրեզենտացիաներից 8-ը իրականացրել է պրոդյուսեր Անի Գալստյանը։ Օpenhearted ստարտափը ներկայացրել է Թամարա Խաչատրյանը, «Դոլի» ֆիլմը՝ Էսթեր Սերաֆինին և Արամ Մանուկյանը:
Ֆեդերացիան հայտնել է, որ Կաննի մասնակցության արդյունքների վերաբերյալ մամուլի ասուլիս կկազմակերպվի հունիսի երկրորդ շաբաթվա ընթացքում։ Այդ ժամանակ կներկայացվեն ստորագրված պայմանագրերի մանրամասները, գործնական արդյունքները և հետագա քայլերը։
