Ազգային Ժողովում սեպտեմբերի 11-ին կայացավ «Կինեմատոգրաֆիայի մասին» ՀՀ օրենքում երկրորդ ընթերցումը: Փոփոխության փաթեթը ներկայացրեցին Ազգային Ժողովի պատգամավորներ Սիսակ Գաբրիելյանը եւ Հասմիկ Հակոբյանը եւ ԿԳՄՍ նախարար Ժաննա Անդեասյանը:
««Կինեմատոգրաֆիայի մասին» ՀՀ օրենքում լրացումներ եւ փոփոխություններ կատարելու մասին» օրենքի նախագծում առաջինից երկրորդ ընթերցում մի շարք փոփոխություններ են կատարվել, որոնք վերաբերում են ֆիլմարտադրության ոլորտում գումարի վերադարձի սահմանաչափին:
«Օրենքի ընդունումից հետո 6-ամսյա ժամկետում Կառավարությունը կսահմանի ու կհրապարակի այն ապրանքների ու ծառայությունների ցանկն ու դրանց պայմանները, որոնցից օգտվելու դեպքում կինոարտադրողները 10-40 տոկոս գումարի վերադարձ կստանան»,- ասել է հիմնական զեկուցող Սիսակ Գաբրիելյանն ու հույս հայտնել, որ կարգավորումների արդյունքում կինոարտադրության ոլորտում էական առաջընթաց կապահովվի:
Քեշ Րիբեյթի (cash rebate) համակարգի հետ կարող եք ծանոթանալ մեր «Քեշբեք, թե՞ Րիբեյթ. քեշ րիբեյթի համակարգը կինոարտադրությունում» հոդվածում:
Հարց եւ պատասխան, ինչպես նաեւ եզրափակիչ ելույթ տեղի չունեցավ։ Օրենքի փոփոխությունը ընդունվեց։ Նախագծի ամբողջական տարբերակի հետ հնարավոր է ծանոթանալ այստեղ:
Հիշեցնենք, որ սեպտեմբերի 6-ին տեղի ունեցավ նախագծի քննարկումը, որը ընդունվեց առանց մեկնաբանությունների և առաջարկությունների: Սա օրենքի առաջին փոփոխման նախագիծն է։
