«Բոնդ 25»-ը լույս կտեսնի «Մահանալու ժամանակ չկա» (No Time to Die) անվանումով: Նոր մասի անվանումը հայտարարվել է 007 գործակալի մասին ֆիլմերին նվիրված սոցցանցերում:
25-րդ ֆիլմում Ջեյմս Բոնդը ժամանակավորապես լքում է ծառայությունը եւ ուղեւորվել է Յամայկա վայելելու կյանքը, կանանց եւ արեւը: Արձակուրդն ընդհատվում է կղզու վրա ԿՀՎ-ի հին ծանոթ Ֆելիքս Լեյտերի հայտնվելուց հետո, ով 007 գործակալից օգնություն է խնդրում: Առեւանգված գիտնականին փրկելու առաքելությունն ավելի վտանգավոր է, քան ենթադրվում էր ի սկզբանե, եւ Բոնդը թակարդ է ընկնում խորհրդավոր չարագործի մոտ:
