Genetic Production կինոընկերության արտադրած կենսագրական դրաման պատմում է Հայաստանի ազգային հերոս, Արցախի հերոս, Արցախյան առաջին պատերազմի հրամանատարներից Մոնթե Մելքոնյանի (Ավո) կյանքի մասին։ Ստեղծագործական խմբի տեղեկացմամբ՝ ֆիլմի հիմքում իրական իրադարձություններ են, այդ թվում՝ Մելքոնյանի կնոջ՝ Սեդա Մելքոնյանի պատմած և հաստատած փաստերը։
Ֆիլմի ռեժիսորը Սուրեն Սաֆարյանն է, գլխավոր պրոդյուսերը՝ Նոնո Սարգսյանը։ Մոնթե Մելքոնյանի կերպարը մարմնավորում է Վլադիմիր Մսրյանը, նրա կնոջ՝ Սեդայի դերում հանդես է գալիս Հռիփսիմե Նահապետյանը, իսկ Խորեն Լևոնյանը մարմնավորում է Վազգեն Սարգսյանին։
«Մոնթե»-ն Genetic Production-ի երկրորդ կենսագրական ֆիլմն է՝ 2025 թվականին թողարկված «Վազգեն․ Վերջին Սպարապետը» կինոնկարից հետո։
Ֆիլմի հայաստանյան պրեմիերան կկայանա նոյեմբերի 25-ին, որից հետո նախատեսվում են ցուցադրություններ նաև արտերկրում։
