Հայաստանի Հանրապետության վարչապետ Նիկոլ Փաշինյանի այսօրվա որոշմամբ Դանիել Դանիելյանն և Հասմիկ Այվազյանն ազատվել են կրթության, գիտության, մշակույթի և սպորտի փոխնախարարների պաշտոնից:
Հայաստանի Հանրապետության կրթության, գիտության, մշակույթի և սպորտի նախարարի տեղակալ է նշանակվել Տիգրան Վիրաբյանը:
«Ղեկավարվելով «Հանրային ծառայության մասին» օրենքի 9-րդ հոդվածի1-ին մասով՝ Տիգրան Վիրաբյանին նշանակել կրթության, գիտության, մշակույթի և սպորտի նախարարի տեղակալ»,– «ԿինոՊրես»-ի փոխանցմամբ՝ նշված է ՀՀ վարչապետի ստորագրած որոշման մեջ։
Տիգրան Վիրաբյանը 2007-2016 թթ․ աշխատել է Գյումրիի Վ․ Աճեմյանի անվան պետական դրամատիկական թատրոնում՝ որպես պրոդյուսեր։
2016-2018 թթ․ հանդիսացել է Վ․ Աճեմյանի անվան պետական դրամատիկական թատրոնի տնօրենը։
2018 թ․ հոկտեմբերի 29-ին նշանակվել է Երևանի քաղաքապետի տեղակալ։
2020-2025 թվականներին զբաղեցրել էՀանրային հեռուստաընկերության փոխտնօրենի և գլխավոր պրոդյուսերի պաշտոնը։
Տիգրան Վիրաբյանը Երևանի թատրոնի և կինոյի պետական ինստիտուտի դերասանական բաժնի շրջանավառտ է:
Դեռևս 2023 թվականին «Հրապարակ»-ը գրել էր, որ ԿԳՄՍ փոխնախարար Արա Խզմալյանի փոխարինող շրջանառվում էր Տիգրան Վիրաբյանի նշանակման թեման:
