Հունվարի 15-ին հայտնի է դարձել, որ Կանտեմիր Բալագովը կդառնա HBO “Last of Us” նոր մինի-սերիալի պիլոտային դրվագի ռեժիսորը: Սերիալը հիմնված է համանուն հայտնի համակարգչային խաղի վրա: Այս մասին հայտնում է THR պարբերականը։
Նախագծի պրոդյուսերն է Քրեյգ Մազինը՝ «Չեռնոբիլ» սերիալի ստեղծողը: Նա նաեւ սցենար է գրում սկզբնաղբյուրի հեղինակ՝ Նիլ Դրակմանի հետ: Ի սկզբանե առաջին սերիայի բեմադրիչը պետք է լիներ Յոհան Ռենկը, ով աշխատում էր Մազինի հետ Չեռնոբիլի ԱԷԿ-ի վթարի մասին հեռուստատեսային դրամայի վրա: Սակայն նա ստիպված էր հրաժարվել նախագծից ծանրաբեռնված գրաֆիկի պատճառով:
Բնօրինակ տեսախաղը թողարկվել է 2013 թվականին և շատ շուտով դարձել է պաշտամունքային:
