Մարտին Սկորսեզեն, Ուես Անդերսոնը, Յորգոս Լանտիմոսը և մշակույթի շատ այլ գործիչներ կոչ են արել Իտալիայի իշխանություններին կանխել Հռոմի բազմաթիվ կինոթատրոնների վերածումը առևտրի կենտրոնների և սուպերմարկետների: Իտալիայի մայրաքաղաքի իշխանությունները օրինագիծ են պատրաստում, որը կվերացնի Հռոմի կինոթատրոնները մշակութային բիզնեսից բացի ցանկացած այլ տեսակի բիզնեսի վերածելու արգելքը:
Սկորսեզեն, արձագանքելով Cinema America-ի հռոմեական կոլեկտիվի օգնության խնդրանքին, բաց նամակ է հրապարակել՝ ոգեշնչված ճարտարապետ Ռենցո Պիանոյից և դիմել երկրի բարձրագույն ղեկավարությանը:
Հավերժական քաղաքի հնարավոր մշակութային վերածննդի համար նախատեսված տարածքները հյուրանոցների, առևտրի կենտրոնների և սուպերմարկետների վերափոխելու փորձը բացարձակապես անընդունելի է: Նման վերափոխումը դառնալու է անդառնալի կորուստ. սա խորը սրբապղծություն է ոչ միայն քաղաքի հարուստ պատմության, այլև մշակութային ժառանգության նկատմամբ ապագա սերունդների համար: Մենք կոչ ենք անում աշխարհի մեր գործընկերներին, փառատոնների տնօրեններին և մշակույթի բոլոր գործիչներին ստորագրել այս նամակը՝ պահպանելու աշխարհի ամենակարևոր մշակութային և գեղարվեստական քաղաքներից մեկը փրկելու վերջին հնարավորությունը
գրել է ռեժիսորը:
Նամակը հասցեագրված է անձամբ նախագահ Սերջիո Մատարելլային և վարչապետ Ջորջիա Մելոնիին:
Ուղերձը ստորագրել են նաև Սփայք Լին, Դեյվիդ Քրոնենբերգը, Արի Աստերը, Ջուլի Թեյմորը, Mubi-ի հիմնադիր Էֆե Կակարելը, Ջեյ Ջեյ Աբրամսը, Ջոշ Սաֆդին, Թոդ Հեյնսը, Ջադ Ապատոուն, Դեմիեն Շազելը, Մարկ Կուզինսը, Ալֆոնսո Կուարոնը, Ուիլեմ Դեֆոն, Ռոբերտ Էգերսը, Ջոաննա Հոգը, Դոուն Հադսոնը, Իզաբելլա Ռոսելինին, Մարկ Ռուֆալոն, Փոլ Շրեյդերը, Լեա Սեյդուն, Ջոն Տուրտուրոն, Թոմաս Ուինթերբերգը, Ջերեմի Թոմասը, Պավել Պավլիկովսկին և Դեբրա Ուինգերը:
