«Հայաստանի հեռուստատեսային և ռադիոհաղորդիչ ցանց» ՓԲ ընկերությունը տեղեկացնում է, որ 2026 թվականի հունվարի 1-ից «Հոգևոր-մշակութային հանրային հեռուստաընկերություն» ՓԲ ընկերությունը լուծել է ՀՀՌՑ-ի հետ կնքված հանրային մուլտիպլեքսում հեռարձակման պայմանագիրը և դադարեցրել է «Շողակաթ» հեռուստաալիքի հանրապետական սփռումը թվային ցանցով։
Ըստ «Հայաստանի հեռուստատեսային և ռադիոհաղորդիչ ցանց» ՓԲ ընկերության՝ «Տեսալսողական մեդիայի մասին» ՀՀ օրենքի 44-րդ հոդվածի 3.1 կետի պահանջն ապահովելու նպատակով հանրային մուլտիպլեքսում 2-րդ համարի ներքո այսուհետ կհեռարձակվի «Հայաստանի հանրային հեռուստաընկերություն» ՓԲ ընկերության «Առաջինի լրատվական ալիք» ծրագիրը։
ՀՀՌՑ-ը նաև նշում է, որ որոշ հեռուստացույցների կամ թվային ընդունիչների դեպքում կարող է անհրաժեշտ լինել իրականացնել ալիքների վերահամալարում։
Տեխնիկական հարցերի դեպքում հնարավոր է դիմել 8797 հեռախոսահամարով։
