Նոյեմբերի 6-ին անցկացվել է ԿԳՄՍ նախարարության Ժամանակակից արվեստի և գրահրատարակչության վարչության երկու թափուր հաստիքների մրցույթի առաջին՝ թեստավորման փուլը։
KinoPress-ն ավելի վաղ ներկայացրել էր ԿԳՄՍ նախարարության հայտարարած մրցույթը՝ կինոյի ոլորտին առնչվող երկու թափուր հաստիքների համար։
Ծրագրերի իրականացման բաժնի ավագ մասնագետի պաշտոնի համար ներկայացվել էր հինգ դիմում։ Դրանցից երեքը հաստատվել էին, երկուսը՝ մերժվել։ Թեստավորմանը մասնակցել է միայն մեկ թեկնածու՝ Հայկ Խանամիրյան Ղևոնդին, որը հաղթահարել է փուլը և անցել հարցազրույցի։
Քաղաքականության մշակման բաժնի գլխավոր մասնագետի պաշտոնի համար ներկայացվել էր ինը դիմում։ Դրանցից չորսը հաստատվել էին, հինգը՝ մերժվել։ Թեստավորմանը մասնակցել է երեք թեկնածու, սակայն փուլը հաղթահարել է միայն մեկը՝ Մանե Խալաթյան Լևոնին։
Առկա տվյալներով՝ Հայկ Խանամիրյանը դիմել էր նաև գլխավոր մասնագետի պաշտոնի համար։ Այս մրցույթում նա մասնակցել է թեստավորմանը, սակայն չի հաղթահարել այն։
Այսպիսով, երկու հաստիքների համար ներկայացված ընդհանուր 14 դիմումից յոթը հաստատվել էին։ Թեստավորմանը փաստացի մասնակցել է երեք թեկնածու, իսկ հարցազրույցի փուլ է անցել երկուսը։
Մրցույթի հաջորդ՝ հարցազրույցի փուլը կանցկացվի նոյեմբերի 10-ին։
