Մարտի 10-ին տեղի կունենա Ամերիկյան կինոակադեմիայի 96-րդ մրցանակաբաշխությունը: Երկրները սկսել են իրենց թեկնածուներին առաջադրել «Լավագույն միջազգային ֆիլմ» անվանակարգում մրցանակի համար:
Գերմանիայից Օսկարի է ներկայացվել Իլկեր Չատակի «Ուսուցչանոց» / “Das Lehrerzimmer” դրաման դպրոցական ուսուցչի մասին, որը հետաքննում է աշակերտների շրջանում հաճախակի դարձած գողությունները եւ կոնֆլիկտի մեջ է մտել համակարգի հետ: Ֆիլմը մասնակցել է անցած Բեռլինի կինոփառատոնում և ընդգրկվել էր Պանորամա բաժում։
Կանադան առաջադրել է վավերագրական աշխատանք։ Քուրդ բեմադրիչ Զեյն Աքիոլայի “Rojek” ֆիլմը պատմում է Իրաքի և Լևանտի իսլամական պետության ահաբեկիչներից ազատագրված հողի վրա ապրող մարդկանց մասին:
Շվեյցարիան «Օսկարում» կներկայացնի «Որոտ» / “Thunder” դրաման՝ ռեժիսոր Կարմեն Ժակերի լիամետրաժ դեբյուտը: Նկարի կենտրոնում երիտասարդ աղջկա պատմությունն է, որն իմաստավորում է հավատքի և ցանկությունների միջև եղած կոնֆլիկտը: Ֆիլմը նախկինում ներկայացվել էր Տորոնտոյում և Սան Սեբաստիանում։
Դեբյուտանտի վրա հույս են դրել նաև Չիլիի կինոգործիչները։ Ֆելիպե Գալվեսի կարիերայի առաջին խաղարկային լիամետրաժ աշխատանքը՝ «Վերաբնակիչները» / “Los colonos” / “The Settlers”, կներկայացնի Օսկարին։ Հարավային Ամերիկայի Արևմտյան պատմությունը պատմում է չիլիացու, անգլիացու և ամերիկացու արշավախմբի մասին դեպի պետության հարավ: Ֆիլմն ընտրվել է Կաննի փառատոնի հատուկ ուշադրության կենտրոնում և այնտեղ արժանացել FIPRESCI մրցանակի:
Կոլումբիայից ԱՄՆ է ուղարկվում Ալեխանդրո Լանդեսի «Կապիկներ» / “Monos” նկարը, որը պատմում է մի խումբ երիտասարդ զինվորների և ապստամբների մասին, որոնք ամերիկացի պատանդի հետ ճանապարհ են անցնում սարերով: Այս աշխատանքն արդեն եղել է Հյուսիսային Ամերիկայում, մասնավորապես՝ Սանդենս փառատոնում, որտեղ նա ստացել է Միջազգային բաժնի ժյուրիի հատուկ մրցանակը:
Իր ժապավենը ներկայացրել է նաև Տաջիկստանը։ «Մեղեդի» / “Melody” դրաման բեմադրել է իրանացի ռեժիսոր Բեհրուզ Սեբտ Ռասուլը:Ֆիլմի գլխավոր հերոսը երաժշտության ուսուցիչն է, ով մանկական քաղցկեղի կենտրոնում երեսուն աշակերտի հետ ստեղծագործություն է գրում։ Ստեղծագործությունը կազմված է երեսուն տարբեր թռչունների երգեցողությունից. այն պետք է ավարտվի մինչև աշնան վերջ, երբ աշակերտները կունենան տոնական երեկույթ:
Հայկական Ազգային Կինոակադեմիայի հայտերի ընդունումը ավարտվելու է սեպտեմբերի 08-ին: Օսկարի կարճ ցուցակը կհրապարակվի 2023 թվականի դեկտեմբերի 21-ին, հավակնորդները հայտնի կդառնան հունվարի 23-ին:
